Хуурай арьс:

Зарим хүмүүс ихээр тослог ялгаруулдаг бол зарим нь хэвийн хэмжээнээс бага тослог ялгаруулж арьс нь хуурайшдаг. Тослог бага ялгарахад нөлөөлдөг хүчин зүйлсээс дурдвал:

-Хүйтэн цаг агаар болон гадаад орчны хүчин зүйлс арьсны чийгийн түвшинд нөлөөлдөг.

-Витамин, эрдэс бодисын дутагдал болон арьсны өвчин нь тослог ялгаралтыг бууруулдаг.

-Мөн хөгшрөлт явагдахад дагаад арьсны тослогийн үйлдвэрлэл буурч эхэлдэг бөгөөд 40+ насны ихэнх хүмүүс арьсны хуурайшилт нэмэгдсэн үр дүн гарсан байдаг.

Хуурай арьсны арчилгаа:

• Зөөлөн цэвэрлэгч хэрэглэх
• Чийгшүүлэлт, чийгшүүлэлт бас дахин чийгшүүлэлт
• Хэт халуун усаар нүүрээ угаах, шүршүүрт орохоос зайлсхийх
• Хүйтэн цаг агаараас хамгаалж, температурын огцом өөрчлөлтөд орохгүй байх
• Хиалуроны хүчил, керамид, тослог агуулсан чийгшүүлэгч сонгох
• Арьсандаа тохирсон салфеткан маск, унтлагын маск тогтмол хэрэглэх
• Гуужуулалтаа 7 хоногт 1-2 удаа л хийх шаардлагатай бөгөөд хэтрүүлэн гуужуулах нь арьсыг хуурайшуулж, эмзэгшүүлдэг.

Мөн чийгшүүлэгчээ нимгэнээс зузаан хүртэлх дарааллаар хэрэглэх бөгөөд гүний давхарга хүртлээ нэвт шингээж өгөх хэрэгтэй.

Хэрвээ таны арьс хэчнээн арчилгаа хийгээд ч улам хуурайшиж, загатнаж байвал арьсны эмчид хандахыг зөвлөж байна.

Хуурай арьс нь экзем, псориаз зэрэг арьсны өвчинд илүү өртөмтгий байдаг байна.