Бусадтай хуваалцах
Хүйтэн салхи, хэт бага темпратур, халаалт хамгийн их байдаг энэ саруудад арьсны хуурайшилт хамгийн өндөр байдаг. Өвлийн улиралд орчны чийгшил багассанаас арьсны чийг илүү их алдагддаг.
Бас бид өвлийн улиралд бага хөлөрдөг тул ус бага уух хандлагатай байдаг. Гэвч гадна дотроосоо чийгшлийг хангалттай байлгах нь чухал хэвээр байна. Ерөнхийдөө өвөл илүү баялаг найрлагатай бүтээгдэхүүн хэрэглэх шаардлагатай. Цаг агаар хуурайшилтын нөлөө нь зарим хүнд ихээр тослог ялгарах байдлаар илрэх нь ч байдаг. Таны арьсны төрөл ямар ч байсан хамаатай зүйл шүү.
Тэгвэл "Өвлийн улиралд надад арьс арчилгааны ямар бүтээгдэхүүн хэрэгтэй вэ?"
Өтгөн бүтэцтэй, глицерин, хиалуроны хүчил, Lactobacillus зэрэг найрлагууд дээр суурилсан бүтээгдэхүүн хэрэглэх нь арьсыг нөхөн сэргээх, тэжээл өгөх, хамгаалахад тусалдаг. Харин алкахол дээр суурилсан бүтээгдэхүүн хуурайшилтыг улам хүндрүүлдэг тул зайлсхийгээрэй.
• Зөөлөн цэвэрлэгч - Өвлийн улиралд арьс хуурайшихыг багасгахын тулд арьсыг зөөлөн хэр нь сайн цэвэрлэдэг цэвэрлэгч рүү шилжих
• Чийгшүүлэгч тонер - Арьсаа гүн хүртлээ сайн услахын тулд чийгшүүлэх үйлчилгээтэй тонероо 2-3 давхарлах
• Илүү өтгөн тос - Өвлийн улирал бол таны арьсны төрөл ямар эсэхээс үл хамааран илүү өтгөн тос хэрэглэхийг шаарддаг. Тосны өөр нэг үүрэг нь чийгийг ууршуулахгүй түгжих үйлчилгээтэй байдаг.
• Маск - Нэмэлтээр чийг өгөх зорилгоор өөрт тохирсон маскийг 7 хоногт 2-3 удаа тавих
• SPF - Нарны хамгаалалт өвлийн улиралд ч чухал зүйл юм. Нар зөвхөн зуных биш! Өвөл нарны туяа илч багатай санагддагаас бид тоодоггүй боловч хэт ягаан туяаны хор нь жилийн турш хүчтэй байдаг. Хэт ягаан туяа хүйтэн байхтай огт хамааралгүй шүү.
• Химийн гуужуулагч руу шилжих - Өвлийн улиралд таны арьс илүү мэдрэмтгий байдаг тул физик гуужуулагч( Скраб)-ийн оронд химийн гуужуулагч хэрэглэж үзээрэй.
• Хэрэв арьс тань мэдрэмтгий болоод байвал - Идэвхтэй найрлагуудыг өвлийн улиралд хэрэглэхдээ арьсныхаа нөхцөл байдлаас шалтгаалж давтамжаа тохируулаарай
• Нэмэлт:
-Өвлийн хүйтэн, хуурай агаар нь уруул болон нүдний эргэн тойрон, хүзүүний нимгэн арьсанд хүчтэй нөлөөлдөг тул арчлахаа бүү мартаарай.
-Кофейн агуулсан зүйлс усыг биеэс гадагшлуулдаг тул оронд нь ургамлын гаралтай цай илүү тохиромжтой.
Бидний арьс 28 хоног тутамд гуужиж, бүрэн шинэчлэгддэг. Гэвч гадны олон шалтгааны улмаас гуужилт хэвийн явагдахаа больж, хэмнэл алдагддаг.Энэ үед арьсан дээр үхэжсэн эдийн давхарга хуримтлагдаж, арьс өнгөө алдаж, батга гарч, нүхжилт томордог байна. Харин зөв давтамжтайгаар гуужуулалт хийснээр үүнээс урьдчилан сэргийлэх боломжтой.Гэхдээ гуужуулалтыг ХЭТРҮҮЛЭХ, БАГАДУУЛАХ хоёулаа муу нөлөөтэй тул арьсныхаа байдалд тохируулж, гуужуулагчийн төрөл, давтамжийг тохируулаарай.Гуужуулагч юу хийж чадах вэ?Арьсыг илүү гэрэлтсэн, бүтээгдэхүүнийг илүү сайн шингээж авахад тусалдаг.Арьсны нүх сүв бөглөрөхөөс сэргийлж, батга гарах магадлал багасна.Тогтмол, тууштай гуужуулалт нь коллаген үйлдвэрлэлийг дэмжиж, хөгшрөлт удааширна. Арьсны байгалийн өнгийг сэргээж, гэрэлтсэн болгоно.Арьсны өнгөн хэсгийн сэвх, нөсөө, сорви арилна.Гуужуулагчийн төрөл:Гуужуулагч нь дотроо Химикал, Физикал, Холимог гэсэн 3 ерөнхий төрөлд хуваагддаг.Химикал гуужуулагч - AHA, BHA, PHA, LHAИхэвчлэн серум, тонер хэлбэрээр худалдаалагдаг бөгөөд ширхэггүй, арьсан дээр бөмбөрдөггүй онцлогтой. Арьсны гадаргуу дээр байх үхэжсэн эсүүдийн барьцалдсан холбоосыг салгаж, арьсны гүн рүү нэвтэрч илүү бичил түвшинд ажилладаг. Бүтээгдэхүүний онцлогоос шалтгаалан угаах шаардлагагүй нь ч бий. Бага хувьтайгаас эхлэн арьсандаа дасгаж хэрэглэнэ.Физикал гуужуулагч - SCRUBАрьсан дээр механик үрэлт өгч гуужуулдаг бөгөөд нунтагласан овьёос, эрдэнэ шишийн үр, давс зэргийг ашиглан хийдэг тул дотроо ширхэгтэй байдаг. Гэхдээ физикал гуужуулагчийг хэрэглэхдээ хүчтэй эсвэл хэт их үрснээс үүдэн арьс эмзэгшин, цочрох аюултай тул зөөлөн хэрэглэх хэрэгтэй. Хэрэв үрэвсэлт батга, эмзэгшилтэй бол химикал гуужуулагч илүү тохирно. Биед зориулсан ширхэгтэй гуужуулагч нь арьсанд бичил зүсэлт үүсгэж, гэмтээдэг тул нүүрэндээ бүү хэрэглээрэй.Холимог төрлийн гуужуулагчЭнэ төрлийн гуужуулагч нь химикал болон физикал гуужуулагчийг аль алийг нь агуулсан байдаг. Гуужуулагч pad, химикал найрлагатай хэр нь ширхэгтэй гуужуулагч нь энэ ангилалд ордог. Дээрх 2 төрлийн гуужуулагч тохирдоггүй бол холимог төрлийн гуужуулагч хэрэглээд үзээрэй.Гуужуулалтаа хэрхэн зөв тохируулж хэрэглэх вэ?Гуужуулалтыг ХЭТРҮҮЛЭХ, БАГАДУУЛАХ аль аль нь муу нөлөөтэй гэж өмнө нь дурдсан шүү дээ. Багадуулах нь арьсанд үхэжсэн эс хуримтлагдаж асуудал үүсгэж эхэлдэг бол Хэтрүүлэх нь арьсны өөрийн хамгаалах давхаргыг нимгэрүүлж, эмзэгшиж, гадны нянд тэсвэргүй болгодог.Ихэнх гуужуулагчийг 7 хоногт 1-2 удаа хэрэглэхэд тохиромжтой байдаг. Таны арьсанд ямар өөрчлөлт гарч байгааг сайн анзаарч 1 эсвэл 2 гэдгээ шийдээрэй.Харин бага хувьтай, маш зөөлөн найрлагатай, ойрхон хэрэглэх заалттай гуужуулагчийг ойрхон давтамжтай хэрэглэж болдог.Гуужуулагч хэрэглэхдээ анхаарах зүйлс:Гуужуулах найрлага агуулсан олон бүтээгдэхүүн нь арьсыг хэт гуужуулж, эмзэгшүүлэх эрсдэлтэй тул гуужуулах үйлчилгээтэй 1-2 бүтээгдэхүүн хэрэглэхХүнд хэлбэрийн эмзэгшил, Үрэвсэлт батгатай бол 14-21 хоног орчим гуужуулалтыг түр зогсоох шаардлагатай.Гуужуулалт нь арьсыг наранд илүү мэдрэмтгий болгодог тул оройн арьс арчилгаанд тохиромжтой бөгөөд маргааш нь заавал нарны тос хэрэглэх шаардлагатай.Өөрөө гэрийн нөхцөлд хийсэн гуужуулагч нь чанарын шаардлага хангадаггүй тул арьсыг дордуулах магадлалтай байдаг.Жич: Ретинол нь гуужуулагч биш боловч арьсны шинэчилж, үхсэн эсүүдийг цэвэрлэх, коллаген үйлдвэрлэлийг дэмжих гэх мэт гуужуулалттай төстэй үйлчилгээг үзүүлдэг. Тиймээс ретинол хэрэглэж байгаа үедээ гуужуулагчыг зэрэг хэрэглэхгүй байхад анхаарна уу.
Хиалуроны хүчил гэж юу вэ?Хиалуроны хүчил буюу 'Hyaluronic acid' нь чийгшүүлэх чадвараараа 1-т ордог найрлага бөгөөд өөрийнхөө жингээс 1000 дахин их ус чийгийг өөртөө татаж, хадгалах чадвартай байдаг. Тослог, холимог, хуурай, эмзэг, батгатай гээд бүх төрлийн арьсанд тохиромжтой.Жижиг молекултай Хиалуроны хүчил нь арьсны гүн рүү нэвтэрч гүний чийгшлийг хангаж өгдөг бол том молекултай нь арьсны гадаргууд бүрхүүл үүсгэж арьсны гүн дэх чийгийг гадагш ууршиж алдахаас хамгаалдаг. Харин дунд зэргийн молекултай нь жижиг, том хоёрыг хооронд нь холбох үүрэг гүйцэтгэж өгснөөр илүү удаан хугацаанд чийгийг барьдаг байна. Хиалуроны хүчил агуулсан арьс арчилгааны бүтээгдэхүүн сонгохдоо том, дунд, жижиг гээд аль болох олон төрлийн хэмжээтэйг нь агуулсан байвал ашигтай гэсэн үг юм.Хиалуроны хүчил нь молекулынхаа хэмжээнээс хамаараад өөр өөр нэршилтэй байдаг тул бүтээгдэхүүн сонгож авахад тань дараах нэршлийн жагсаалт тус болох болно. Хамгийн эхэнд хамгийн том молекултайг нь хамгийн сүүлд хамгийн жижиг молекултайг нь гээд яг хэмжээнийх нь дарааллаар жагсаалаа.1. Hyaluronic acid2. Sodium hyaluronate3. Sodium hyaluronate crosspolymer4. Hydroxylpropyltrimonium hyaluronate5. Sodium acetylated hyaluronate6. Hydrolyzed hyaluronate7. Hydrolyzed glycocaminoglycansХиалуроны хүчлийг хэрхэн зөв хэрэглэх вэ?:Хиалуроны хүчил агуулсан бүтээгдэхүүнийг зөв хэрэглэхгүй бол арьсанд чийггүй, хуурай байдал үүсгэж болзошгүй тул дараах зүйлсийг анхаараарай.Нүүрээ цэвэрлэсний дараа арьсаа чийгтэй байхад нь хэрэглэх шаардлагатай бөгөөд хэрвээ хуурай байхад нь хэрэглэвэл арьс хуурайшиж, таталдах мэдрэмж төрдөг.Хиалуроны хүчил агуулсан бүтээгдэхүүн хэрэглэсэн бол араас нь заавал өтгөн бүтэцтэй чийгшүүлэх тос хэрэглээрэй. Чийгшүүлэх тос хэрэглэсэн ч хуурайшаад байвал илүү өтгөн, oil-ийн агууламж ихтэй тосоор солиорой. Хиалуроны хүчил өндөр хувиар агуулсан бүтээгдэхүүн буюу серум, ампулнаас нэг удаад 2-3 дуслыг хэрэглэхэд хангалттай.Хиалуроны хүчил нь ус татах чадвартай тул хэт хуурай орчинд хэрэглэвэл эсрэг нөлөө үзүүлж, арьс хуурайшиж болдог.Хиалуроны хүчлийн талаарх нэмэлт мэдээлэл: 1. Чийгшил сайн өгдөг найрлага боловч тохирдоггүй олон хүн байдаг. Хиалуроны хүчил өндөр хувиар агуулсан бүтээгдэхүүнийг хэчнээн зөв хэрэглэсэн ч чийгших нь байтугай харин ч эсрэгээрээ хуурай мэдрэмж төрүүлж таталдаж байгаа бол танд Хиалуроны хүчил тохирохгүй байна гэсэн үг шүү.2. Хиалуроны хүчил агуулсан арьс арчилгааны бүтээгдэхүүн хэрэглэсэн ч таарахгүй хуурайшдаг бол дотроосоо ууж хэрэглэдэг бэлдмэлээр алдагдсан хиалуроны хүчлээ нөхөж болно.3. Том молекултай хиалуроны хүчил өндөр хувиар агуулсан бүтээгдэхүүн түрхэж хэрэглэсэн үед араас нь түрхсэн Foundation, Cushion бөмбөрч бөөгнөрөх магадлал их байдаг.4. Hydration, Hydrate, Hyaluronic acid, Hyaluron гэх мэт үгнүүдээс тухайн бүтээгдэхүүний сав, шошгон дээр бичигдсэн байвал Хиалуроны хүчил өндөр хувьтай байх магадлал өндөр гэж ойлгож болно. 5. Хиалуроны хүчил нь полисахарид нэгдлээр бидний биед нийлэгжиж үйлдвэрлэгдэж байдаг учраас нүүрс усыг хэт хорьсон хоолны дэглэм барих нь бие болоод арьсан дах Хиалуроны хүчил багасахад нөлөөлдөг.Эх сурвалж: Skincare судлаач
Жирэмсэн үеийн дааврын өөрчлөлтөөс болж таны арьс ч мөн өөрчлөгддөг бөгөөд арьс арчилгаагаа яаж хийх талаар төөрөгдөлд орох нь бий. Таны арьс тослог ихээр ялгаруулж, батга, сэвх нөсөө ихсэх бөгөөд арьсны чийгшил ч мөн буурдаг.Арьсанд асуудал үүсэх боловч тэдгээрийг эмчилдэг ихэнх найрлагуудыг жирэмсэн үед хэрэглэх хориотой байдаг тул арьсны асуудал үүсэхээс урьдчилан сэргийлэх нь чухал.Жирэмсэн, хөхүүл үеийн арьс арчилгааны үндсэн зөвлөмж:Цэвэрлэх: Хүчтэй угаагч нь арьс гэмтээж хуурайшуулдаг тул зөөлөн ph 5.5 цэвэрлэгчээр өдөрт хоёр удаа угаагаарай.Чийгшүүлэлт: Чийгшил унаснаас арьсны бусад асуудлыг хүндэрдэг тул арьсаа сайн чийгшүүлж, чийгээ түгжиж тос түрхээрэй.Нарны хамгаалалт:Жирэмсэн үед нарны туяанд мэдрэг болж, сэвх нөсөө ихэсдэг тул физикал төрлийн нарны тосыг 3-4 цаг тутамд сэргээж хэрэглээрэй.Гуужуулалт:BHA буюу салицилийн хүчил хэрэглэх хориотой бөгөөд оронд нь бага хувьтай 0,5-5%-тай Гликолийн хүчил (Glycolic acid) эсвэл сүүн хүчлийн гуужуулагч (Lactic acid) хэрэглээрэй. 7 хоногт 1-2 удаа байхад хангалттай бөгөөд ихдүүлэх нь аюултай байж болохыг анхаараарай.Ус болон эрүүл хооллолт: Арьсны эрүүл байдлыг хадгалахын тулд өдөрт 2 литр орчим ус ууж, амин дэм, төмөр, кальци зэрэг хэрэгцээт бодисоор баялаг хоол хүнсийг хэрэглээрэй.Жирэмсэн үед арьс арчилгааны ямар найрлага аюултай вэ?Витамин А буюу Ретинол-ийн төрлүүд:Хор хөнөөл нь дундаж ангилалд багтдаг ч энэ урагт эрсдэл учруулахыг үгүйсгэх аргагүй тул хэрэглэхээс зайлсхийх хэрэгтэй. Tazorac, Accutane ч мөн витамин A-аас гаралтай найрлага бөгөөд ургийн хөгжилд асуудал үүсгэдэг.Benzoyl PeroxideБатганы эмчилгээнд ашиглагддаг бөгөөд урагт аюултай тул хэрэглэхээс зайлсхийгээрэй.Essential OilsЭфирийн тосны хэмжээг хэтрүүлбэл өндөр эрсдэлтэй. Үүнд түгээмэл хэрэглэгддэг нь цайны модны тос (Teatree oil), розмарин тос зэрэг багтдаг. Эдгээр нь цусны даралтыг бууруулж, умайн агшилт үүсгэдэг. Salicylic Acid буюу BHAБатганы эмчилгээнд давамгайлж хэрэглэгддэг бөгөөд ихэнх төрлийн гуужуулагч бүтээгдэхүүн, ялангуяа нүүр угаагчинд агуулагдаж байгаа эсэхийг шалгаарай. HydroquinoneЭнэхүү хүчирхэг арьс цайруулагч найрлагыг жирэмсэн үеийн сэвх нөсөө толбо үүссэн үед хэрэглэх сонирхол төрж болох ч аюулгүй гэсэн дүгнэлт гараагүй байдаг.Aluminum Chloride HexahydrateИхэвчлэн хөлсний эсрэг бүтээгдэхүүн болон эмэнд, зарим гоо сайхны бүтээгдэхүүн, ус цэвэршүүлэх бүтээгдэхүүн зэрэгт агуулагддаг.FormaldehydeАрьс арчилгааны бүтээгдэхүүн болон үс, хумс будах бүтээгдэхүүнд агуулагддаг.PhthalatesФталатууд нь гоо сайхны болон хувийн арчилгааны бүтээгдэхүүнд агуулагддаг бөгөөд дотоод шүүрлийг тасалдуулах аюултай. Нөхөн үржихүйн ноцтой эмгэгүүд фталатын хордлоготой холбоотой байдаг.Химикал нарны тосХимикал нарнаас хамгаалах тосонд агуулагддаг ихэнх найрлага нь аюулгүй гэж нотлогдоогүй тул физикал нарны тос хэрэглээрэй.Хэрэглэж болох найрлагууд:Vitamin C, Niacinamide, AHA, Azelaic Acid, Hyaluronic acid, Lactic acid
Шөнө 22:00-03:00 цагийн хооронд нойроо авч чадахгүй бол цусанд Кортизол хэмээх стрессийн гормон ихэснэ. Цусан дах Кортизол ихэсвэл цусанд үрэвсэл үүсгэгч Просайтокайн (procytokine) хэмээх бодис нийлэгжиж эхэлдэг.Энэ нь таны арьсанд дараах ноцтой асуудлуудыг үүсгэдэг.Үрэвсэл ихсэж батга гарах, гуужих чадвараа алдаж, арьсны өнгө барайх, барзайх, нүдний доогуур хөхрөх, чийгээ барьж чадахгүй байх, арьс суларч, үрчлээ суух, сэвх, сорви тодрох, шарх эдгэхгүй удах г.мТаны арьс сайхан байх эсэхийг:30% Хооллолт30% Арьс арчилгаа30% Нойр10% Бусад хүчин зүйлс шийддэг.Энэ нь та хангалттай нойр авч чадахгүй бол хэчнээн үнэтэй, үр дүнтэй бүтээгдэхүүн хэрэглэж, цаг зав зориулж арьсаа арчлаад ямар ч үр дүн өгөхгүй гэсэн үг.Тэгвэл 22:00-03:00 цагийн хооронд нойроо авбал яах вэ?Яг энэ үед “Өсөлтийн болон Мелатонин” гэх чухал 2 даавар хамгийн дээд хэмжээгээрээ ялгардаг! Эдгээр даавруудын гол үүрэг нь нөхөн төлжүүлэх, сэргээх юм.-Өсөлтийн гормоны хувьд биед үүссэн чөлөөт радикал хэмээх бидний биед өвчлөл үүсгэж, хөгшрүүлдэг бодисуудыг устгаж, бодисын солилцоог сайжруулдгаас гадна арьсан дах хиалуроны хүчлийн чийг татаж, барих чадварыг нэмэгдүүлснээр арьсыг чийглэг толигор болгох чухал үүрэгтэй.Унтаад босоод ирэхээр биеийн жин маань багасаад турчихсан байдаг даа. Энэ нь өсөлтийн гормоны нөлөөгөөр бодисын солилцоо хурдассантай холбоотой байдаг бөгөөд өглөөд арьс тайвшраад гоё тунгалаг болчихсон босож ирдэг нь ч өсөлтийн гормонтой холбоотой байдаг тул өглөө илүү гоё арьстайгаар сэрэхийг хүсвэл илүү эрт буюу 22 цагт унтаарай. Хэрвээ та 00:00 цагт унтдаг бол нэлээн их хэмжээний өсөлтийн гормоноо алдаж, тэр хэмжээгээрээ арьсныхаа нөхөн төлжих боломжийг нь үгүй хийж байна гэсэн үг.-Тархины эпифизээс ялгарч байдаг нойрны даавар буюу Мелатонин нь биеийн биологийн цагийг тохируулах, дархлаа сайжруулах, биед явагдаж буй үрэвсэл дарах, цусны өндөр даралтыг бууруулах, анти-оксидант буюу хөгшрөлтийг удаашруулах, мөн арьсны сэвх нөсөө үүсгэгч меланин пигментийг устгах гэх мэтчилэн биеийн бүхий л асуудлыг шийдэж өгдөг чухал үүрэгтэй даавруудын нэг юм. Тэгэхээр таны арьс батгатай, сэвхтэй, хуурайшилттай, өнгөө алдаж барайсан, үрчлээ сууж хөгшрөлт явагдах шинжтэй байгаа бол аль болох эрт буюу 22 цагт унтаж өсөлтийн гормоны хэмжээгээ ихэсгээрэй.22:00 ЦАГТ УНТАЖ СУРАХ НЬ БҮТЭН БИЕЭ БОЛООД АРЬСАА НӨХӨН ТӨЛЖҮҮЛЭХ ХАМГИЙН АМАРХАН БӨГӨӨД ҮНЭ ТӨЛБӨРГҮЙ АРГА ЮМ ШҮҮ!Эх сурвалж: Skincare судлаач
