Нарны хортой хэт ягаан туяанд 15 минутаас илүү өртөх үед арьсанд нөсөө толбо үүсч эхэлдгээс гадна арьсыг чанга булцгар байлгах үүрэгтэй коллагеныг устгадаг тул нүхжилт томорч, үрчлээ үүсдэг. Та арьсаа үрчлээгүй, сэвхгүй, нүхжилтгүй, залуу чигт нь хадгалахыг хүсэж байгаа л бол жилийн 4 улирал өдөр бүр нарны тостой найзлах хэрэгтэй. Арьс арчилгааны хамгийн чухал алхам бол өөрийнхөө арьсны онцлогт тохирсон нарны тосыг өдөр бүр хэрэглэж занших алхам юм.

Үүний тулд арьсныхаа төрөлд тохирсон зөв нарны тосоо сонгож зөв хэрэглэх хэрэгтэй. Нарны тос нь хэт ягаан туяанаас химийн аргаар болон физик аргаар хамгаалдаг гэж 2 төрөлд хуваагддаг.

Химикал болон Физикал нарны тосыг яаж ялгах вэ?

Physical (физикийн) нарны тос нь нарны хэт ягаан туяаг арьсанд шингээлгүйгээр нарны гэрлийг буцаан ойлгох аргаар арьсыг хамгаалдаг.

Гол орц найрлага нь: Titanium dioxide, Zinc oxide

Бүтээгдэхүүний орц найрлага бичсэн жагсаалтын эхний мөрүүдэд энэ 2 найрлагын аль нэг нь эсвэл хоёулаа байвал физикал тос гэсэн үг. Энэ 2 найрлага байхгүй бол химикал тос гэж ойлгож болно.

Нарны хэт ягаан туяаг арьсанд шингээдэггүй учраас химикал төрлийн нарны тосыг бодвол арьсыг цочроох, харшлах нь хамаагүй бага байдаг. Тиймээс ч хүүхдийн нарны тос физикал бүтэцтэй байдаг. Физикал нарны тосны сайн тал:

• Арьс цочроох, харших нь бага, химийн хор нөлөө бага.
• Хэт ягаан туяанаас хамгаалах чадвар өндөр, тогтоц сайтай.
• Түрхэнгүүтээ шууд наранд гарч болдог.
• Арьсны тослогжилт тэнцвэржүүлнэ.

   Муу тал: - Бага зэрэг цайрч цагаарч харагддаг. Түрхэц хүнд мэт мэдрэгддэг.

Гэхдээ сүүлийн үед шинээр гарсан Солонгос физикал нарны тоснууд маш хөнгөн бүтэцтэй, цайрдаггүй, чийглэг болсон шүү!

Chemical (химийн) нарны тос бол нарны хэт ягаан туяаг арьсанд эхлээд шингээснийхээ дараа урвалд оруулж дулааны энерги болгон хувиргах зүй тогтлоор арьсыг хамгаалдаг. Арьсан дээр тодорхой хэмжээний урвал явагдаж байгаа учраас эмзэг арьстай хүмүүст цочрол өгч харшлах магадлалтай. Мөн урвалд орох явцдаа арьсны температурыг халаадаг тул энэ нь сэвх нөсөө толботой арьсанд муугаар нөлөөлж улам тодруулах аюултай. Химикал нарны тосны найрлагад ордог 30-аад төрлийн бодис байдаг бөгөөд

Хамгийн их хэрэглэгддэг орц найрлага бол: Ethylhexyl methoxycinnamate, Ethylhexyl salicylate, oxybenzone, Butyl methoxydibenzoylmethane, Octinoxate г.мэт

Chemical нарны тосны найрлагын хорт нөлөөллийн талаарх маргаан их байдгаас болж физикал нарны тосыг сонгох нь их байдаг. Химикал нарны тосны сайн тал:

• Түрхэц, шингэц сайтай хөнгөн мэдрэгддэг
• Угаахад амархан арилдаг
• Цагаарч цайрч харагддаггүй
• Чийгшил сайтай.

   Муу тал: Арьс цочроож, харшил өгөх талтай.Сэвх нөсөөтэй хүнд тохиромжгүй.

Хэрвээ тосоо түрхээд 15-20 минут шингээхгүй шууд наранд гарвал хамгаалж чадахгүй, хөлс усанд амархан арилдаг, нүд рүү орсон тохиолдолд ихээр хорсгодог.

Аль нь таны арьсанд тохирох вэ?

Ер нь бол арьсыг бага цочроодог, хор нөлөөгүй, тогтоц сайтай гээд эрүүл мэндийн талаасаа физикал тосыг илүүд үздэг. Гэхдээ та арьсны ямар нэг асуудалгүй, энгийн зузаан, хуурай талдаа, мөн хөнгөн хэлбэрийн тосонд дуртай бол химикал нарны тос-ыг сонгоорой.

Харин таны арьс тослог болон холимог, сэвх нөсөөтэй, батгатай, мөн эмзэг бол физикал нарны тос-ыг нь сонгоорой! Titanium dioxide, Zinc oxyde гэх физикал тосны гол 2 бодис маань өөрөө тослог хариулах үйлчилгээтэй болохоор шингэсний дараа бага зэрэг матте болгож өгдөг. Тиймээс суурь тонер, серум чинь маш сайн гүн чийгшил өгдөг бүтээгдэхүүн байх хэрэгтэйг анхаараарай.

Түүнчлэн:

• SPF50-тай нарны тос нэг удаагийн түрхэлтээр 4-хөн цаг хамгаалдаг тул хэрвээ та нүүрээ будаагүй бол 3 цаг тутам нэмж давхарлаж түрхээрэй. Харин нүүрээ буддаг бол нарны тосон дээрээ нарны хамгаалалттай foundation юм уу нарны хамгаалалттай cushion хэрэглэж байж бүтэн өдөр нарны хэт ягаан туяанаас арьсаа хамгаалж чадна. Дундуур нь нэмж түрхвэл бүүр л сайн.
• Оройд нарны тосоо бүрэн цэвэрлэж унтаарай! Нэг удаагийн угаалтаар гүйцэд цэвэрлэгддэггүй учраас та заавал давхар цэвэрлэгээ хийж занших хэрэгтэй.