Арьс хөгшрөхөд генетик 20%-ийн үүрэг гүйцэтгэдэг бөгөөд улс, хүйс мөн арьсны төрөл зэрэг нь хөгшрөлтийн шинж тэмдэг хэр хурдан байхыг шийддэг.Харин сайн мэдээ гэвэл арьсны хөгшрөлтийн 80%-ийг өөрийн хичээл зүтгэлээрээ удаашруулах боломжтой. 

Энэ нь нас тогтсон ч чанга толигор арьстай байх боломж бий гэсэн үг юм.Эсрэгээрээ бага насны хүүхэд ч насанд хүрсэн хүний арьснаас илүү арьсны хөгшрөлттэй болох магадлалтай. Арьсны хөгшрөлтөд дараах шинж тэмдгүүд хамаардаг.

• Нүхжилт
• Нөсөө толбо
• Хялгасан үрчлээ
• Суларсан арьс
• Арьс нимгэрэх г.мэт

Арьс байгалийн жамаар хөгширвөл:

• 25 наснаас хөгшрөлтийн анхны шинж тэмдгүүд илэрч чийгшил багассанаас нарийн үрчлээ үүсэх, наранд эмзэг болж, нүүр орчмоор турдаг байна. Үүнээс хойш арьсыг чанга, булцгар, уян хатан байлгах үүрэгтэй Коллаген жил бүр 1%-иар буурч эхэлдэг.
• Арьсны хөгшрөлт эхэлснээс хойш арьс өөрийгөө хамгаалах чадвар нь буурдаг бөгөөд шинэ эс үүсгэж, нөхөн төлжих чадвар ч муудаж эхэлнэ. Арьсны бүтэц дэх хиалуроны хүчил, коллаген, чийгшил жил бүр багасаж, үрчлээ илүү тодорно.

Дараагийн хэдэн арван жилд арьсны бүтэц аажмаар өөрчлөгдөн 

• Арьсны давхаргын зохион байгуулалт алдагдаж эхэлнэ.
• Арьсны эсүүд цөөн тоогоор л үүсч, одоо байгаа эсүүд агшина.
• Арьсны хамгийн гадна давхарга нимгэрнэ.
• Шархны эдгэрэлт муудаж, арьсны халдвар авах эрсдэл нэмэгдэнэ.
• Цусны эргэлт буурснаас арьсны гэрэлтсэн өнгө багасна.

Арьсны хөгшрөлийг хэрхэн удаашруулах вэ?

Арьсны хөгшрөлтийг удаашруулахад хооллолт, амьдралын хэв маяг талаас илүү хувийн нөлөөтэй. Буруу хооллолт арьсыг дотроос нь исэлдүүлдэг тул тэнцвэртэй хооллож, антиоксидантаар баялаг хүнсээр исэлдэлттэй тэмцээрэй. Мөн стрессээ багасгаж, хангалттай ус уух нь чухал.

1.Чөлөөт радикалыг устгах: Агаарын бохирдол, утаа, тамхины утаа зэрэг нь чөлөөт радикалуудыг үүсгэдэг бөгөөд эдгээр нь арьсны коллаген болон бусад бүтэц бүрдүүлэгчийг задалдаг. Түүнчлэн утаа нь нарны хорт туяаг өөртөө агуулдаг тул шууд бусаар наранд өртөж байгаа гэсэн үг юм.

Шийдэл:

• Нарны тосыг 3-4 цаг тутамд сэргээж хэвших
• Витамин C нь коллагены үйлдвэрлэлд чухал үүрэг гүйцэтгэдэг тул тогтмол хэрэглэх
• Арьсаа цэвэрлэсний дараа өтгөн бүтэцтэй тос хэрэглэж арьсандаа хамгаалалт бий болгох
• Чөлөөт радикалын эсрэг арга хэмжээ болгож антиоксидант Витамин C, E, Beta Carotene-аар баялаг арьс арчилгааны бүтээгдэхүүн хэрэглэх нь арьсны хамгаалалтын механизмд тусалдаг. 

Витамин C найрлагыг жижиг капсул хэлбэрээр агуулсан, арьсны ашигтай бактерийн алдагдлыг багасгаж нар, салхи, агаарын бохирдлоос хамгаалах үйлчилгээтэй BIO-ACTIOME сет БҮТЭЭГДЭХҮҮН ҮЗЭХ

2.Нарны хэт ягаан туяа:

Судалгаанаас харахад наранд өртөөгүй арьсны хэсгүүд өндөр нас хүртлээ өнгө, уян хатан чанар, нөхөн төлжих чадвараа хадгалдаг. Нарнаас хамгаалах тос хэрэглэх нь хөгшрөлтийн шинж тэмдгийг удаашруулахын тулд хийж болох нэлээн чухал алхам юм.

3.Унтах байрлал:

Нүүрээрээ, хажуугаараа нь унтах нь арьсанд үрчээ үүсэхэд хүргэдэг. Түүнчлэн байнга нүүрэндээ хүрэх, хөдөлгөх, таргалалт зэрэг нь арьсыг хурдан хөгшрүүлдэг.

4.Арьс арчилгааны дэглэм:

Арьсны төрөл, асуудал, насны онцлогт тохирсон бүтээгдэхүүн ашиглан өдөр бүр цэвэрлэх, арьс арчилгаа хийж, хангалттай чийгшүүлэх нь хөгшрөлтийн шинж тэмдгийг удаашруулахад тусална. 

5.Урьдчилан сэргийлэх:

Заавал арьсны асуудал үүссэнийх нь дараа биш, хөгшрөлтөөс урьдчилан сэргийлж 25 наснаас эхлэн чангалах, исэлдэлтийн эсрэг үйлчилдэг найрлагуудыг арьс арчилгаандаа нэмээрэй. Үүнд дараах найрлагууд орно.

• Retinol
• Vitamin C, B, E
• Glutathione 
• Beta-Carotin
• Polyphenols
• Niacinamide
• Green tea
• Allantoin
• Hyaluronic acid