Тосон цэвэрлэгчийг анхлан хэрэглэгчид ялангуяа тослог, батга гарамтгай арьстай бол туршиж үзэхдээ эргэлзэж магадгүй юм. Гэхдээ тосон цэвэрлэгч бүх төрлийн арьсанд, тэр ч байтугай тослог арьсанд ч тохиромжтой.

Тосон цэвэрлэгч нь цэвэрлэх чадвараараа 1-т ордог тосонд суурилсан цэвэрлэгч бөгөөд арьсны нүх сүвийг бөглөхгүй (non-comedogenic) буюу батга гаргахгүй байхаар бүтээгдсэн байдаг. Хэрвээ та тосон цэвэрлэгч хэрэглээд арьс тань дордсон бол 2 шалтгаантай байж болно.

1. Чанарын шаардлага хангаагүй тосон цэвэрлэгч - буюу арьсны нүх сүв бөглөдөг тосны төрөл, найрлага агуулсан, цэвэрлэх зориулалтгүй бүтээгдэхүүн зэрэг орно.
2. Зөвхөн өөрт тань тохирдоггүй төрлийн найрлага агуулсан - буюу тосон цэвэрлэгч нь асуудалгүй байсан ч гэсэн таны арьсны төрөл болон асуудалд тохирохгүй байх тохиолдол бий.

Иймд арьсныхаа хэсэгхэн газар хэрэглэж арьсаа ажиглаад сонголтоо хийх нь зүйтэй.

Тосон цэвэрлэгч хэрхэн ажилладаг вэ?

Тосон цэвэрлэгч нь өөртэйгөө ижил төстэй буюу тослог бодисыг уусгах чадвартай байдаг. Тос нь тосоо татах зүй тогтлоор ажилладаг. Арьсан дээрх будалт, арьснаас ялгарч буй тослог, нарны тос — зэрэг нь бүгд тослог бөгөөд тосон цэвэрлэгч нь эдгээрийг өөртөө нааж аван усанд уусаж цэвэрлэгдэхэд бэлэн болгож задалдаг байна.

Арьсаа бүрэн гүйцэт, гүн цэвэрлэхийг хүссэн үед хүчтэй саван, хатаах үйлчилгээтэй цэвэрлэгч хэрэглэх хэрэгтэй гэх бодол төрж магадгүй юм. Гэхдээ энэ нь арьсыг хамгаалдаг давхаргыг гэмтээж, нимгэрүүлдэг төдийгүй маш ихээр хуурайшуулдаг. Харин тосон цэвэрлэгч нь эсрэгээрээ арьсыг чийгшүүлж, арьсны хамгаалалтыг гэмтээхгүйгээр зөөлөн, гүн цэвэрлэж өгдөг.

Тосон цэвэрлэгчийн талаарх бусад зүйлс:

• Өдөр тутамд нүүр будалт хийдэг эсвэл усны хамгаалалттай нарны тос хэрэглэдэг л бол хамгийн сайн сонголт байх болно.
• Эмзэг мэдрэмтгий арьстай бол химийн үнэр оруулагч, асуудалтай орц найрлага агуулаагүйг сонгоно.
• Цэвэрлэх зориулалтгүй, эмульгаторгүй энгийн (olive oil, coconut oil, vaseline г.мэт) тосыг хэрэглэхийг зөвлөдөггүй, тослог эсвэл батга өртөмтгий арьсыг улам тослогтуулж асуудал үүсгэдэг.
• Cleansing oil болон Cleansing balm нь бүтцээрээ л ялгаатай бөгөөд Cleansing oil-шингэн, Cleansing balm-царцуу байдаг. Balm-ийг үйлдвэрлэхийн тулд царцуу болгох бодис хийдэг бөгөөд энэ бодис нь зарим арьсанд таарахгүй байх тохиолдол байдаг тул шингэн бүтэцтэйг хэрэглэхийг зөвлөж байна.

Санал болгож буй тосон цэвэрлэгч:

P.Calm-Holy basil cleansing oil нь батга үүсгэгч нянг дарангуйлж, үрэвсэл бууруулдаг төдийгүй тослог ялгаралтыг бууруулж, хар батгыг багасгадаг тул батга гарамтгай арьс болон батга гарахаас сэргийлэх зорилготой хүмүүст тохиромжтой. Нянг дарангуйлагч найрлага нь өөрөө хурц үнэр агуулдаг онцлогтой тул үнэрт мэдрэмтгий хүмүүст Garden’s objet - Argan cleansing oil - ийг санал болгож байна. Энэхүү тосон цэвэрлэгч нь үнэргүй, байгалийн гаралтай тоснууд болох Argan Oil, Jojoba Oil, Camellia Seed Oil зэрэг орцуудыг агуулсан тул арьсыг чийгшүүлэх үйлчилгээтэй. Non-сomedogenic учраас арьсны нүх сүвийг бөглөхгүйгээр сайтар цэвэрлэнэ.Хар батгыг хайлуулж, нүхжилт агшаах гээд олон үйлчилгээг нэг дор үзүүлдэг. 

Тосон цэвэрлэгч хэрэглэх арга:

Алхам 1: Тосон цэвэрлэгчийг хуурай арьсан дээр шууд хэрэглэдгээрээ онцлог юм. Энэ нь нүүрэн дээр байгаа шороо, хөлс, будалт зэргийг тосон цэвэрлэгчинд наалдуулах боломжийг олгодог.

Тосон цэвэрлэгчээ тохиромжтой хэмжээгээр авч 2 минут тойрог хөдөлгөөнөөр нүүрэндээ массаж хийнэ. Усны хамгаалалтай нүдний будгууд хэрэглэсэн бол хөвөнд тосон цэвэрлэгчээ шингээж, нүдэн дээрээ хэдэн хором байлгаад хөнгөхөн массажлана.

Алхам 2: Гарын алгандаа багахан ус аваад 30 сек массажлах бөгөөд тос хайлж, сүүн цагаан болох ёстой. Энэ нь бохирдол цэвэрлэгдэх үйл явц юм. Хүмүүсийн нийтлэг гаргадаг алдаа нь ямар нэгэн салфетка болон алчуураар арчиж аваад байдаг бөгөөд энэ нь буруу юм шүү.

Алхам 3: “Хөөсөн эсвэл гелэн угаагч” Энэ бол давхар цэвэрлэгээний шат юм. Энэ нь цэвэрлэх явцдаа дутуу үлдээсэн байж болзошгүй бохирдлыг гүйцэт цэвэрлэж дуусгах хэсэг юм.

Алхам 4: Одоо арьсаа чийгшүүлэх л үлдлээ.